नवनियुक्त मन्त्रीहरुको शपथ साँझ ७ बजे हुने

आश्विन २८, २०७४-नवनियुक्त मन्त्रीहरुको शपथ आज साँझ ७ बजे राष्ट्रपति भवन शितल निवासमा हुने भएको छ ।

राष्ट्रिय प्रजातन्त्र पार्टी (राप्रपा)बाट मन्त्री बनेकाहरुलाई साँझ ७ राष्ट्रपति विद्या भण्डारीले शपथ खुवाउने कार्यक्रम तय भएको अर्थमन्त्री ज्ञानेन्द्रबहादुर कार्कीले जानकारी दिए । प्रधानमन्त्री शेरबहादुर देउवाले शुक्रबार राप्रपाका अध्यक्ष कमल थापालाई उपप्रधानमन्त्रीको जिम्मेवारीसहित चार मन्त्री र ४ राज्यमन्त्री नियुक्त गरेका थिए ।

शुक्रबार मन्त्रीहरु थपिएपछि मन्त्रिपरिषद् सदस्य संख्या ६४ पुगेको छ । यो इतिहासकै सबैभन्दा 'जम्बो' मन्त्रिपरिषद् हो । निर्वाचन आयोगले प्रतिनिधिसभा र प्रदेशसभा निर्वाचनको आचारसंहिता लागू भइरहेको बेला मन्त्रिपरिषद् विस्तार गरेको भन्दै प्रधानमन्त्री देउवा आलोचित बनेका छन् ।